BUTUAN CITY – Subay sa mas gipakusgan pa sa kagamhanan nga kampanya batuk sa mga armas nga wala’y lisensya, gisikop sa kapulisan ang usa ka mayoralty candidate atol sa pagpatuman sa search warrant didto sa lungsod sa Cagdianao sa Dinagat Islands.
Gi-ila ni Police Brigadier General Gilberto DC Cruz, Police Regional Office kon PRO-13 Director, ang nadakpan nga si Armando Cagape, 61-anyos, usa ka retiradong sakop sa PNP, og kandidato pagka-mayor sa Cagdianao, Dinagat Islands.
Ang joint operation sa mga personahe sa Cagdianao Municipal Police Station, Dinagat Islands Police Provincial Office Intelligence Branch, nagbitbit og search warrant nga gipagawas ni Judge Lou Nueva – executive judge sa Regional Trial Court 10th Judicial Region, Branch 55 nga nakabsae sa lungsod sa Trento, Agusan Del Sur.
Nakuhaan siya og usa ka kalibre 45 nga pistola uban sa upat ka mga magazines niini ingon man 184 ka mga buhing bala apil na ang 173 ka mga wala’y sulod nga fired cartridges.
Alayon niini, kasong paglapas sa Republic Act No. 10591 kon mas nailang Comprehensive Firearms and Ammunition Act ang atubangon sa suspek.
Sigon ni Cruz, ilang gihimo ang security operations tungod sa nagkaduol na nga 2019 election karong Mayo aron masegurong mahipos nila ang tanang mga loose firearms sa ingon dili kini magamit sa mga kreminalidad og uban pang mga illegal nga kalihukan.
Nakuha usab sa mga otoridad ang usa ka kalibre 22 revolver – Danao-made uban sa onse ka mga buhing bala; lahi pa ang 25 ka mga bala sa kalibre .38 ammunition; walo ka bala sa 5.56; usa ka bala sa 7.62 ammunition; duha usab alang sa 9mm pistol; 19 alang sa ammunition; og 57 ka nagkada-iyang fired cartridges.
