BUTUAN CITY- Nagtuo ang usa sa mga mipasaka og kaso batok kang kanhi President Rodrigo Duterte sa International Criminal Court kon ICC nga husto ang mga testimonya sa mga self-confessed hitman nga sila si Edgar Matobato ug Arturo Lascañas aron pamataud-an ang paglungtad sa kontrobersyal nga Davao Death Squad kon DDS.
Ang moang grupo usa ka paramilitary group nga daw nagpaluyo sa mga nahitabong extrajudicial killing nisatong panahon ni Duterte, Mayor sa Davao City ug isip President sa Pilipinas. Gi-angkon usab nila Matobato ug Lascañas nga sila miyembro sa maong grupo.
Sa pakighinabi sa Bombo Radyo kang kanhi Magdalo Rep. Garry Alejano, sigon niining halapad ang personal nga kahibalo ug kasinati-an sa duha, sukad pa niadtong mayor pa si Duterte, sama sa personal nga pagpatay sa ubang drug suspect ug pakiglambigit sa ubang police operation.
Nasayud usab matud pa ang mga niini sa sistemang gipatuman sa DDS, sama sa gihatag nga bayad sa mga miyembro ug pangalan sa mga indibidwal nga gi-ingong subject sa mga gihimong operasyon. Bisan paman nga dili lakip sii Matobato sa pag-execute sa drug war sa national level, kaya matud pa niining ipasabot ang sistemang gigamit sa Davao City kansa gihimo usab sa national stage niadtong nahimong President sa Pilipinas si Duterte.
Sa kampo ni Lascañas nga kanhi nagsilbi iisp pulis, kaya matud pa niining pamatud-an kung gi-unsa pagkalambigit sa mga pulis sa mga sunod-sunid nga pagpatay, sumala gihapon ni Alejano. Matud pa, parehong anaa sa kostudiya na sa ICC ang duha ka indibidwal ug posibleng mo-testigo batok sakanhi Presidente ug sa iyang mga co-perpetrator, kung mapadulong na sa hearing ang ilang kaso.
Una nga mipasaka og kaso sa ICC sila Alejano ug kanhi Sen. Antonio Trillanes, niadtong buwan sa Abril, 2017. Gi-akusaran sa duha ang kanhi Pangulo sa paghimo og mass murder o extrajudicial executions nga sulod sa kasong crimes against humanity. Gisundan nila kini sa communication niadtong June 2017.
