BUTUAN CITY – Nagtoon si Pangulong Ferdinand Marcos Jr nga kinahanglang palig-ono sa nasud nga miyembro sa ASEAN ang ilang supply chains ug pakusgon ang negosyo sulod mismo sa rehiyon.
Sumala sa Pangulo, usa sa mahinungdanon nga pagtulun-an gikan sa COVID-19 pandemic ang himoong mas lig-on ang supply chains, ilabina tali sa mga kaubanang nasud nga miyembro sa ASEAN.
Gipahayag ni Pangulong Marcos nga gibana-banang anaa sa 23 porsyento lang sa katibuk-ang negosyo sa ASEAN ang nagsumikad sa intra-trade o negosyo sulod sa rehiyon samtang 77 porsyento ang gikan sa gawas sa ASEAN.
Tungod niini, nakabaton matud pa og kasabutan ang mga miyembrong nasud nga unahong pakusgon ang kalambigitang pangnegosyo sulod sa ASEAN region.
Sigon sa Pangulo lakip sa mga lakang nga nahisgutan mao ang pagmugna sa common ASEAN power grid ug ang pag-standardize sa mga proseso sa importasyon aron mas mapadali ang transaksyon ug mas mapalawom ang pagsabot sa balaod og sistema sag pagnegosyo sa matag nasud.
Tumong niining mabalik ang ASEAN isip usa ka kusog nga puwersa sa pangkalibutanong ekonomiya.
