BUTUAN CITY – Igo na lang sa pagmahay ang usa ka magtutudlo sa Balila Elementary School, Brgy. Balila, lungsod sa Lantapan, Bukidnon human na-ospital ang iyang ka-uban dihang iyang gipuspusan og stand sa electric fan human nga wala dawat sa biometrics ang iyang finger print.
Migawas sa inisyal nga imbestigasyon sa kapulisan nga grabe ang ka-ulit sa suspetsadong si alyas Buloy dihang wala dawata sa ilang biometric system ang iyang fingerprint pasado alas-9:30 kagahapon sa buntag.
Dinhi na nangguba og mga gamit sa opisina ang suspetsado ug gipangbu-ak ang mga baso dayong kuha sa stand fan ug gipuspos ngadto sa biktimang si Rasel Molina, Officer-In-Charge ug Teacher III sa maong tunghaan.
Gigukod pa sa suspek ang uban pang magtutudlo ug nadamay pa ang usa ka mirespondeng pulis.
