-- ADVERTISEMENT --
BUTUAN CITY – Dili na pangitaon pa sugod ugmang adlawa sa mga checkpoint sa Buenavista, Agusan del Norte ilabina sa Brgy. Abilan ug Brgy. Simbalan, ang medical clearance o certificate kansa una nang gipatuman ning mi-aging semana dihang gi-total lockdown sa dakbayan sa Butuan ang Langihan Public Market.
Sa eksklusibong pakighinabi sa Bombo Radyo Butuan, gibutyag ni municipal administrator Elmer Maboloc nga kini epektibo gilayon ugmang adlawa human gipagawas kaganina ni Mayor Norbert Pagaspas ang Executive Order No. 58-2020 kansa napahibalo na sa kabaranggayan.
Apan giklaro sa opisyal nga magpadayon gihapon ang pagkuha sa temperatura sa mga manulod sa maong lungsod bisan na ang mga taga-Butuan nga una nang gitutukan ning mi-aging semana.
