BUTUAN CITY – Aron masolusyunan ang dakong problema sa trapiko ug polusyon, usa ka talagsaong programa ang gilusad sa nasud nga Malta diin bayaran nila og 25-mil euros o anaa sa 1.6 milyones pesos ang mga residenteng boluntaryong isurender ang ilang driver’s license sulod sa lima ka tuig.
Sigon ni Transport Minister Chris Bonett, tumong sa “Driving License Surrender Scheme” nga makamugna og “mobility shock” ilabina sa mga kabataan aron dili na sila maanad sa paggamit sa pribadong sakyanan ug mas pahimuslan ang pampublikong transportasyon.
Isip pinakagamay nga nasud sa Europa, usa ang Malta sa dunay pinakataas nga ihap sa sakyanan kumpara sa gagmay nga kalsada niini.
Aron mahimong qualified, kinahanglang 30-anyos paubos ang driver, pito ka tuig nang residente sa nasud og dunay lisensya nga dili moubos sa 12 ka bulan nga walang record sa traffic violations.
Ang bayad ihatag nga tigit-tigi o 5,000 euros kada tuig.
Kung mausab ang huna-huna sa drayber adiser matapos ang lima ka tuig kinahanglan niyang ibalik ang kwartang nadawat.
Naggahin ang gobyerno og 5 milyones euros nga pondo kada tuig nga igo aang sa unang 1,000 ka benepisyaryo.
Tungod kay gikonsiderang permanenteng kanselado ang gisurender nga lisensiya, ang bisan kinsang subling magmaneho human ang lima ka tuig kinahanglang subling mopailalom sa 15 ka tuig nga driving lessons para makakuha og bag-ong lisensiya.
