BUTUAN CITY- Gisiguro sa Palasyo Malacañang nga kontrolado sa administrasyong Marcos ang sitwasyon sa nasud taliwala sa nasinating epekto sa tensyon sa Middle East, partikular na ang padayon nga oil price shocks.
Kini ang nahimong tubag sa Palasyo human manawagan si House Deputy Speaker Raymond Democrito Mendoza kang President Ferdinand ‘Bongbong’ Marcos Jr. nga magdeklara og state of national emergency aron temporaryong kuptan sa panggamhanan ang oil industry ug makontrol ang presyo sa petrolyo.
Sa usa ka press briefing, giklaro ni Palace Press Officer Undersecretary Atty. Claire Castro nga wala sa susama niini ang krisis sa nasud. Hangyo sa opisyal, nga likayan ang pagpakaylap og kalabaka sa publiko.
Aron nga makuhaan ang epekto sa krisis, gihan-ay ni Pangulong Marcos ang mga direktang lakang sa panggamhanan. Sumala sa punong ehekutibo, maghatag og fuel subsidies ang Department of Agriculture (DA) ug Bureau of Fisheries and Aquatic Resources (BFAR) alang sa mga mag-uuma ug mangingisda.
Lauman usab ang pagpakunhod sa Civil Aviation Authority of the Philippines (CAAP) sa passenger service charges, landing fees, parking fees, ug uban pang bayronon sa mga airport. Una na usab nga gipangulohan sa Presidente ang pagpangapod-apod sa P5,000 cash assistance alang sa mga drayber sa public utility vehicles kansa grabe nga apektado sa sunod-sunod nga pagsaka sa presyo sa lana.
