BUTUAN CITY – Padayon pang gisuta sa kapulisan ang motibo sa pagpanigbas-patay sa usa ka maguuma kaganina sa may Purok-1A, Barangay Maningalao, Las Nieves, Agusan Del Norte.
Giila ni PO2 Jesus Bagaipo Jr, imbestigador sa Las Nieves Municipal Police Station ang biktima nga si Perlito Hovillar, olitawo nga residente sa maong dapit samtang ang suspek mao si Rodney Halaman.
Base sa ilang imbestigasyon, nag-inum lang ang biktima kauban ang usa ka Jojie Balbarona sa dihang miabot ang suspek ug miapil sa ilang pagtagay-tagay.
Wala paman nahuman ang ilang pag-inum-inum, milakaw ang suspek apan sa pagbalik niini, dala na ang usa ka sundang ug dayong luba sa biktima.
Misurender usab sa usa ka barangay tanod ang suspek ug nagpa-kustudiya sa Butuan City Police Station-5.
