BUTUAN CITY – Gibaha og mga pagtimbaya ang usa ka magtutungha gikan sa Father Saturnino Urios University kon FSUU ning siyudad sa Butuan human kini nagTop-2 sa migawas nga resulta sa May 2023 Philippine Nurses Licensure Examination.
Gelayong gitimbaya sa lokal nga kagamhanan sa Butuan City sa pagpanguna ni Mayor Ronnie Vicente Lagnada si Ms. Mary Edrianne Codilla Sobretodo nga nakakuha sa rating nga 91.40 percent.
Samtang ang kadumalahan sa FSUU mitimbaya usab ngadto sa iyang mga ginikanan, pamilya og mga higala nga mihatag og suporta ngadto sa TOP 2 nga si Sobretodo.
Gipasidunggan usab niini ang FSUU Nursing Program sa pagpanguna ni Dean Tarcisio Candog Jr.
Kini human nakab-ot sa tunghaan ang siento porsiento nga passing rate sa mga first time takers kansa mas taas samtang ang national passing rate anaa sa 74.93 porsiento.
