BUTUAN CITY – Laing garbo na usab sa siyudad sa Butuan ang paglakip sa usa ka magtutudlo sa mga gipasidunggan sa Ulirang Guro Award 2022 sa Komisyon ng Wikang Filipino kon KWF tungod sa ilang mahinungdanong natampo sa wikang Filipino ug katutubong wika.
Nasayrang tulo lang ka magtutudlo gikan sa Department of Education ang nahatagan sa maong pasidungod og bugtong si Maam Bb. Warren A. Norbete sa Butuan City SPED Center, ang gikan sa Caraga.
Nasayrang bag-o palang nagtudlo si Norbete nga taga Barangay San Vicente ning siyudad sa Butuan rasong wala niya damha nga magbunga ang iyang paningkamot og maila ang iyang nahimo diha sa paghulma sa kaalam sa mga bata.
Si Maam Norbete ang nagpasiugdan sa Community Extension alang sa mga bata nga wala pa nag Kindergarten nga gitawag niyang Pre-Summer Kindergarten Program diin nakatutuk kini sa pag edukar sa mga bata sa Filipino ug Mother Tongue.
Nangunay usab kini sa pagtabang sa mga estudyante nga hilabihang naglisud sa pagsabot sa maong linguwahe samtang padayong nagtabang sa mga bata aron kini makabasa.
