BUTUAN CITY – Gipamatud-an gayod sa magti-ayong Felicilda nga ang kamatayon lang ang makapahimulag kanila dili sa usa’g usa kondili dinhi sa kalibutan sa mga buhi, human sila namatay dihang na-aksidente ang ilang gisakyan nga motorsiklo sa Barangay Sumilihon pasado alas-3:40 kagahapon sa hapon.
Migawas sa inisyal nga imbestigasyon nga ang mga biktima nga sila Romeo Felicilda ug Amor Felicilda, mga residente sa Barangay Dulag, Butuan City, nagbiyahe gikan sa Cabadbaran City sakay sa ilang motorsiklo.
Pag-hidangat nila sa Purok 2A sa Barangay Sumilihon, kalit kining mibangga sa konkretong bahin sa poste kilid sa dalan nga hinungdan sa ilang pagkalagpot nga miresulta sa grabeng daot sa ilang kalawasan.
Dali silang gidala sa Butuan Medical Center apan gideklarang dead on arrival sa attending physician.
