BUTUAN CITY – Napasakaan na og tukmang kaso ang nadakpan sa anti-illegl drug operation nga magti-ayon nga taga- Trento, Agusan Del Sur diin ang babaye, empleyado sa usa ka korte.
Sigon ni Dindo Abellanosa, Regional Information Office sa Philippine Drug Enforcement Agency kon PDEA-Caraga, gihimu ang implementasyon sa search warrant number 2016-2019 niadtong alas 6:25 sa nakalabay nga Biernes sa may Purok-2, Barangay Poblacion sakop sa maong lungsod.
Naila ang mga suspetsado nga sila Eva Culentas, 45-anyos, menyu, admin Aide sa RTC Branch 55 sa Trento, Agusan Del Sur og ang bana nga si Leo Culentas, 51-anyos, retailer sa frozen products.
Ang nasangpit nga mga suspek ang parehong High Value Target isip drug personalities.
Nakuha sa posisyon sa mga niini ang usa ka cellophane nga dunay sulod sa pina-ugang dahon sa marijuana nga mitimbang og 50 gramos; laing usa ka rolyo sa dahon sa marijuana nga giputos sa newspaper ug gisulod sa cellophane nga dunay kabug-atong 500 gramos ug laing 10 ka heat sealed transparent plastic sachet nga dunay usab sa pina-ugang dahoon sa marijuana nga mitimbang og 500 gramos.
Nag-negatibo usab sa gipahigayong drug test ang mga naaresto nga gikustudiya karun sa PDEA-Caraga alang sa tukmang disposasyon.
