BUTUAN CITY-Gitay-og sa Magnitude 5.0 nga linog ang parte sa Iloilo kagahapon Marso 2, 2026, alas-6:13 sa gabi.
Sumala sa taho sa Philippine Institute of Volcanology and Seismology (PHIVOLCS), nga lakip sa mga nakasinati sa maong pagtay-og ang mga lugar sa Guimaras, Antique, ug Negros Occidental.
Ang epicenter sa linog nasuta sa gibana-banang 2 kilometro habagatan-sidlakan sa Tigbauan, Iloilo, kansa adunay giladmon nga 10 kilometro.
Reported Intensity:
Intensity IV – Jordan, Guimaras; Lungsod sa Iloilo
Intensity III – Valderrama ug Culasi, Antique; Nueva Valencia, Guimaras; Lungsod sa Passi, Iloilo
Intensity II – Malinao, Aklan; Tapaz, Capiz; San Lorenzo, Guimaras; Lungsod sa La Carlota, Sipalay, ug Bacolod, Negros Occidental; San Jose de Buenavista, Antique
Intensity I – Ibajay ug Malay, Aklan; Anini’y, Antique; Jamindan, Capiz
Sa kasamtangan wala pay natala nga kadaot o namatay sa maong linog.
Padayon usab nga gimonitor sa PHIVOLCS ang sitwasyon dayong pahimangno sa publiko nga magpabiling alerto sa posibleng aftershocks.
