Mag-amahan nga adunay pinakalapad nga dila, nakabuak og titulo sa Guinness World Record

BUTUAN CITY- Nakabuak og titulo sa Guinness World Records ang mag-amahan nga taga-Syracuse sa Central New York human giila isip adunay pinakalapad nga dila sa kalibutan.

Giila ang mag-amahan nga sila Byron Schlenker kinsa gi-ila nga “Gobfather,” ug ang iyang anak nga si Emily, human nagpakita og talagsaong pisikal nga kinaiya kansa naghimo kanila sa unang parent-child duo nga nagkupot sa maong titulo.

Ang dila ni Byron opisyal nga gisukod sa gidak-on nga 8.57 cm kon 3.37 inches samtang ang sukod sa dila ni Emily 7.33 cm kon 2.89 inches. Giklaro usab sa Barcroft Media, ang dila usa ka matang sa kaunuran, ug ang ilaha adunay talagsaon matud pa nga gilapdon..