BUTUAN CITY – Gipahibalo ni Land Transportation Office (LTO) Assistant Secretary Markus Lacanilao nga nakita nilang duna’y probable cause alang sa pagbawi sa lisensya sa nag-viral nga drayber sa puti nga pickup truck nga nalambigit sa usa ka insidente sa road rage sa Antipolo City niadtong Disyembre 13 nga nasutang igsoon ni Pokwang.
Dungan niini, girekomenda usab sa LTO Intelligence and Investigation Division ang diha-diha gilayong pagbawi sa lisensya sa maong drayber.
Madumdomang nagsugod ang insidente human gihapak sa drayber sa sakyanan ang ulo sa lalaking nagkariton, sa atubangan mismo sa iyang anak nga menor de edad nga naghilak tungod sa grabeng kahadlok.
Nahuman na sa LTO ang pagdungog sa administratibong kaso batok sa drayber ug gila-uman nga ipagawas nila ugmang adlawa Huwebes, Disyembre 19, ang resolusyon sa maong kaso.
