BUTUAN CITY – Midaug sa Mag-Abayan Kita River Float Parade ang mga estudyante sa Los Angeles National High School aa gipahigayong Abayan Festival 2024 kagahapon kondiin ilang nadawat ang plaque ug cash prize nga 80,000 pesos.
Makita sa mga dekorasyon sa ilang pumpboat ang hulagway ni Mayor Ronnie Vicente Lagnada, mga mag-uuma, kapulisan, mais ug bugas lakip na ang landmark sa syudad nga Saint Joseph Cathedral ug Macapagal Bridge.
Ang Kabataang Alagad ng Sining LNHS-Sidlak usab ang nakadawat sa Most Colorful nga award.
Samtang Second Placer ang Bahandi nga duna’y premyong 70,000 pesos ug napili nga Most Thematic, nga gisundan sa Hinang nga maoy third placer nga may premyong 60,000 pesos ug nakadawat og most Decorative Award.
Samtang ang Alampat ug Baglit nakadawat og cash prize nga tag 40,000 pesos isip participation prize. Tumong niini nga ma-showcase ang mga talento sa mga group artists sa syudad sa Butuan.
