BUTUAN CITY – Usa ka ‘once in a lifetime’ event ang nasaksihan sa katawhan sa Brgy Suba Poblacion sakop sa lungsod sa Argao, Cebu tungod sa bongga kaayo nga birthday celebration ni Lola Juling.
Nakakuha og atensyon sa mga residente sa maong lungsod ang grabe ka-bongga nga kasa-ulugan sa ika-85 anyos na nga adlaw’ng natawhan ni Lola Juling tungod kay sukad masukad, karon pa nahitabo ang grabe kabongga nga pakaon.
Nasayrang dili lang usa, duha, tulo o kaha napulo, kondili 20 ka nga litsong baboy ang gihanda sa mga anak ug apo ni Lola Juling gawas pa sa gi-ihaw nga upat ka mga baboy ug usa ka tibuok litsong baka.
Sigon sa mga nanambong, nagbaha ang mga pagkaon dili lang sa nataran sa balay sa birthday celebrant kondili apil na sa mga kalsada tungod kay ang tanang mga silingan ug mga taga-aling barangay, apil man sa gipakaon.
Tungos sa ka-abunda sa mga pagkaon, ang tanang mga bisita nga hastang busuga, nakaputos pa ug gidala sa ilang pamilya hinungdan nga kini ang dili makalimtan nga community celebration sa maong lugar nga gikabiliban sa tanang nakakaon apil na sa mga nakatan-aw lang sa mga post sa maong kalihukan.
