BUTUAN CITY – Gipublisar na sa Cybercrime Investigation and Coordinating Center (CICC) ang listahan sa mga dili rehistrado ug dili otorisadong online lending platforms aron mabantayan sa publiko ilabina nga padayon gihapon silang nag-operate bisan pa man nga wala kini rehistro sa Securities and Exchange Commission (SEC),
Aron dili ma-scam sa loan ug uban pang pagpangilad, gitambagan ang publiko nga magbantay ilabina nga pipila niini nga app makita gihapon sa Google Play Store, Apple App Store, ug sa online search.
Kinahanglan matud pa nga lehitimo ug rehistrado ang lending company aron malikay sa harassment, pagpanghadlok ug legal nga pagpaningil.
Ugaling mabiktima sa illegal online lending app, gidasig ang tanan nga isumbong kini sa Hotline 1326.
