BUTUAN CITY – Nasikop sa mga ginsakpan sa Butuan City Police Office kon BCPO ang number 3 most wanted person sa Caraga Region atol sa police operation nga gilusad sa Purok 3, Brgy. 12, sa Cabadbaran City, Agusan Del Norte alas 9:00 sa gabii sa nakalabay nga adlaw.
Target sa maong operation targets nga masikop si Henrycito Ondura Gallardo, 43-anyos ug residente sa Purok Mauswagan, Brgy. Agusan Pequenio, Butuan City.
Ang suspetsado mao ang lider sa Gallardo Drug Group nga nalambigit sa kasong frustrated homicide niadtong Pebrero 28, 1999 ug mastermind sa pagpatay sa police asset sa Brgy. Pequenio niadtong 2017. Wanted usab kini sa paglapas sa republic act 9165 kon Comprehensive Dangerous Drug Act of 2002.
Sa dihang nadawat ang kasaligang impormasyon mahitungod sa nahimutangan sa suspect, gelayong nakig-koordina ang BCPO sa pag-superbisa ni Police Col. Albert G Magno ngadto sa Cabadbaran City Police Station, Surigao Provincial Intelligence Branch ug Regional Intelligence Division alang sa ilusad nga police operation.
Miresulta kini sa pagkasikop sa suspect pinaagi sa Alias Warrant of Arrest ilalom sa criminal case no. 22349-22352 nga gi-isyu ni Hon. Judge Emmanuel Escatron niadtong Setyembre 7, 2017 ug criminal case no. 21885 nga gipagawas n Judge Marigel Dagani-Hugo.
Sigon ni Police Col. Magno temporaryo karung gikustudiya ang suspetsado sa BCPO ug e-turned over ngadto sa nag-isyu nga korte alang sa tukmang disposasyon.
Gidugang pa sa opisyal nga ang pagkasikop sa number 3 most wanted person sa rehiyon, usa ka dakong accomplishment sa kapulisan ning siyudad sa Butuan.
