BUTUAN CITY – Liboang mga sibiliyan sa Lebanon ang nagdali-dali sa pagbalik sa ilang mga pinamalay bisan og kini nangaguba na pipila ka oras human nahimong epektibo ang ceasefire tali sa Israel og Hezbollah.
Sa Beirut, makita ang mga tawo nga namalik sa ilang panimalay bisan og kini nangatumpag na samtang ang uban wala nay na-abtan sa ilang mga kabtangan nga gipondar kaniadto.
Samtang nanghinaot ang mga sibilyan nga wala nay kagubot pang mahitabo kini bisan paman nga duna gihapon silay kabalaka kung mulungtad ba ang ceasefire.
Kini tungod sa pagtoo nga gamay sayup lang gihapon sa Hezbollah posibleng mobalik na usab ang binombahay.
Sa karun, nagpangutana usab ang mga sibilyan kung kinsa ang makatabang kanila aron subling makapatukod sa ilang panimalay.
Nasayran nga ang maong ceasefire nagmarka sa pagtapos sa 13 ka bulan nga giyera diin mihimo og dagkong mga strikes ang Israel nga sagad miigo sa southern Lebanon diin milyones ka mga tawo ang apektado.
Una nang gipasegarbo national security adviser sa amerika nga si Jake Sullivan ang dakong papel sa US sa nakab-ot nga ceasefire deal human ang pila ka bulan nga deplomasiya aron matuldukan ang giyera.
