BUTUAN CITY- Nagkatigom ang Local Government Unit kon LGU sa Alegria Surigao del Norte sa Women’s Training Hall uban ang mga mag-uuma aron ipagamit ang Community-based AI-powered Mobile Application for Rice Farming Accounting System, kabahin sa digitalization ug internet-of-things program ni Mayor Dominador “Yoyoy” G. Esma Jr. kansa nagtumong sa pagpalambo sa agrikultura, ilabi na sa pag-uma sa humay.
Giimbitar usab ang mga imbentor gikan sa Agusan del Sur State University nga sila Dr. Francis Tom A.
Paredes ug Dr. Bernie S. Balighot aron maghatag panudlo sa mga mag-uuma ug Agricultural Extension Workers (AEW) sa paggamit sa maong aplikasyon, gipasiugda niini ang importansya sa teknolohiya sa pagrekord sa gasto ug kita nga makatabang dili lang sa mga mag-uuma kondili pati na usab sa mga opisyal sa LGU, ug pinaagi sa datos nga makuha sa systema makahimo ang lokal nga panggamhanan sa evidence-based nga mga desisyon alang sa mas episyente nga programa sa agrikultura, samtang naglaum ang Alegria LGU nga pinaagi sa inisyatiba mas mapalig-on pa ang produksyon sa humay ug panginabuhian sa mga mag-uuma sa lungsod.
