BUTUAN CITY – Wala na matud pa sa saktong lohika si Senadora Imee Marcos human niini gibulgar kagabii nga adik sa ginadiling druga ilabina sa cocaine ang iyang manghod nga si Pangulong Bongbong Marcos.
Kini ang birada ni Larry Gadon, ang Presidential Adviser of Poverty Alleviation dungan sa pagbutyag nga gihimo kini sa senadora tungod kay gikulbaan na matud pa kini ilabina nga hapit nang mukanta ang iyang bagman sa Department of Public Works and Highways kon DPWH sa Ilocos Norte.
Gipadayag pa niini nga contributor matud pa sa election campaign niini ang mga Discaya ug nagbunga matud pa ang kasuko sa senadora ngadto sa iyang manghod, dihang wala gisanong ang iyang hangyo sa mga pwestong iyang gipangayo.
Dugang pa ni Gadon, ang ambisyon matud pa sa senadora nga mahimong running mate ni Vice President Sara Duterte sa 2028 national elections, ang usa usab sa mga rason sa iyang paglaglag sa iyang manghod.
Gikwestyon usab ni Gadon ang gihimo sa senadora nga mas milaban matud pa sa mga kurakot, kawatan ug mga killer.
