BUTUAN CITY – Halos 100 na ka mga pamilya sa lungsod sa Tubay, lalawigan sa Agusan del Norte ang gihikling sa mas luwas nga lugar tungod sa mga pagbaha ug natala nga landslides hatud sa tulo ka adlaw na nga pagbundak sa ulan.
Sigon ni Jimmy Ceballos, hepe sa Municipal Disaster Risk Reduction and Management Office kon MDRRMO-Tubay, 15 ka pamilya ang gihikling gikan sa Brgy Tagmamarkay; 72 gikan sa Brgy La Fraternidad ug upat gikan sa Brgy Poblacion 2.
Natala na usab ang landslides kaganina sa may Purok 4, Sitio Suwa, sakop sa Brgy Lawigan ug hinuon wala’y natalang angol o casualty sa maong hitabo.
Nanghatad na usab sial og food packs ngadto sa mga apektadong pamilya samtang gihikling pa sila sa mga hingtungdang evacuation center sa ilang tagsa-tagsa ka barangay.
