BUTUAN CITY – Nagpadayon ang gilusad nga hot pursuit operation sa kapulisan aron ma-aresto ang responsable sa pagpangluba nga natigayon sa Brgy Bit-os ning syudad sa Butuan bandang alas-8:20 kagabii.
Gi-ila sa kapulisan ang biktima nga si Robinson Maravi, 35-anyos, minyo samtang ang suspek naila nga si Rodolfo Maravi, minyo ug magulang sa biktima puro mga residente sa Purok 8, Brgy. Bit-os, Butuan City.
Base sa inisyal nga imbestigasyon sa kapulisan, gisaysay ni Honey Jane Briones Maravi, sister-in-law sa duha, nagtagay matud pa ang managsoon dihang gi-akusahan sa suspek ang biktima nga naggamit ug ilegal nga droga rason sa ilang init nga bangi.
Dinhi na mikuha og tari ang maguwang dayong dunggab sa biktima nga na-igo sa paa dayong sibat samtang ang biktima gidala sa Butuan Medical Center alang sa pagpatambal.
