BUTUAN CITY – Dili armadong pagpangatake ang nahitabong pagpang-harass sa China Coast Guard ngadto sa mga armadong kusog sa Pilipinas sa Ayungin Shoal atol sa Rotation and Resupply Mission niini niadtung Hunyo 17, kansa ningresulta pa sa pagkaputol sa kumagko sa usa ka miyembro sa AFP.
Kini ang gikataho sa Palasyo Malacañang atol sa National Maritime Council meeting kagahapong adlawa, rason nga dili matud pa maka-trigger ang maong panghitabo sa Mutual Defense Treaty sa Pilipinas tali sa Estados Unidos.
Sumala ni Executive Secretary Lucas Bersamin, usa lamang ka “misunderstanding” ang maong panghitabo.
Sumala usab ni Presidential Assistant for Maritime Concerns Andres Centino, wala una gikonsidera sa Armed Forces of The Philippines ang paggamit sa Mutual Defense Treaty (MDT) bisan pa sa insidente niadtong Hunyo 17 sa Ayungin Shoal.
