BUTUAN CITY – High-tech na ang mga lapida sa Santa Ana, Manila, tungod kay duna kini QR-Code nga kung i-scan sa cellphone, makita gilayon ang mga throwback pictures sa tag-iya sa maong lapida nga ningtaliwan na.
Sumala sa tiggama sa maong mga lapida nga si Manny, daghan og kapilian ang ilang mga kleyente kung unsa nga klase sa materyal gama ang ilang QR Code sa lapida sama sa stainless, brass, acrylic ug uban pa.
Ang QR Code, usa ka barcode nga kung i-scan, mo-redirect kini sa partikular nga website, nga sa kaso sa mga lapida sa Manila, mu-redirect kini sa mga gi-andam mga videos o kaha biography sa ningtaliwan na. Sumala sa tiggama sa maong mga QR-Codes sa lapida, duna silay mga kleyente nga ginabutang sa ilang QR Code ang mga paborito nilang kanta.
Komento sa mga netizens, revolutionary ang maong pa-uso na usab nga lapida tungod kay mamahimo usab matud pang ibutang dili lang mga litrato sa namatay kundili lakip usab ang mga inspiring niining kaagi sa kinabuhi nga mamahimong ka kutloan og leksyon sa mo-scan sa iyahang QR Code.
