BUTUAN CITY – Wala pa’y lead ang Lamitan City Police Station sa responsable sa pagpusil-patay kang retired police officer Rolando Yumol, ang amahan sa suspek sa pagpamusil-patay sa 3 ka mga tawo sulod mismo sa Ateneo de Manila University-Quezon City Campus nga si Dr. Chiao Tiao Yumol.
Sa eksklusibong interview sa Bombo Radyo Butuan, gipadayag ni Lamitan City Police officer-in-charge LCol Tadzhabel Managola nga mao pa lama’y paggawas sa ilang balay sa biktima dihang giltiro kini sa riding-in-tandem suspects kondiin naka-angkon kini og 4 ka mga igo sa bala sa iyang likod.
Nadala pa sa ospital ang biktima apan gideklara kining dead-on-arrival ug narekober nila sa crime scene ang upat ka basyo sa kalibre .45 nga pistola.
Nagpadayon pa ang ilang imbestigasyon aron masayran usab ang motibo sa kremin kondiin apil sa ilang sayron ang posibleng koneksyon niini sa pagpamusil-patay nila kanhi Lamitan City Mayor Rosita Furigay ug lain pang duha.
