BUTUAN CITY – Padayon pang gipangita sa kapulisan ang ka-ipon sa 22-anyos nga si Gezil, 22-anyos, kinsa maoy person of interest sa pagdunggab-patay kaniya sa Brgy Bonifacio, Magsaysay, Misamis Oriental.
Na-ila ang gipangita na karon sa kapulisan nga si Samuel Bartosis alyas Sam ug Sambart, residente sa Purok 6, Brgy Panggasihan, Gingoog City, Misamis Oriental.
Sumala sa Scene of the Crime Operatives kon SOCO, ang biktima aduna’y ubay-ubay nga mga dinunggaban sa lawas hinungdan sa iyang kamatayon.
Gitu-uhan nga selos ang motibo sa krimen tungod kay nagplano matud pa ang biktima nga makigbulag niini tungod sa kaunay ng apag-abuso kaniya ug dili pagtratar og maayo.
GIpadayag usab sa iyaan sa biktima nga gibalian pa sa suspetsado og kamot ang iyang pag-umangkon dayong sibat sa wala pa matino nga direksyon.
Nanawagan usab siya sa tanan nga idangop gilayon sa kapulisan higayong makita ang maong suspetsado.
