BUTUAN CITY – Gi-andam na ang kasong ipasaka batuk sa tigpayuhot sa ginadiling drugas nga nasikop sa Anti-illegal drugs operation sa nakalabay nga alas 6:30 sa hapon sa may Langihan, Purok 13 Brgy. Limaha, Butuan City.
Gikasa ang operasyon sa Butuan City Police Office kon BCPO, Butuan City Police Station 2 ug Philippine Drug Enforcement Agency.
Naila ang suspetsado nga si Aijin Walidji Maluyoh alias ‘Kinong’, 22-anyos ug residente sa P-4 Emilia Compound, Brgy. Holy Redeemer, Butuan City.
Base sa records, nasuta nga ang suspek kanhe nang napasakahan ug kasong may kalabutan sa illegal drugs sa PDEA.
Ang operisyon miresulta sa pagkarekober sa 9 gramos sa gidudahang shabu nga nagkantidad og 106-mil 200 pesos, marked money ug nagkadaiyang drug paraphernalia gikan sa posisyon sa suspek.
