BUTUAN CITY – Gideklarang dead-on arrival sa ospital ang lalaking gipusil kagahapon sa alas 12:00 sa udtu sa gawas nga bahin sa merkado sa Barangay 3, lungsod sa Buenavista, Agusan del Norte.
Pasado ala1:30 sa hapon sa dihang nakabsan sa hinulamang kinabuhi ang biktima nga si Jason Bantugan, residente sa Brgy. Upper Olave sakop sa maong lungsod sa dihang gidala kini sa Agusan Del Norte Provincial Hospital.
Una nang gipusil ang biktima samtang sakay sa iyang motorsiklo og pabiya na unta sa merkado sa 4 ka mga suspetsado nag sakay sa 2 ka single motor.
Gisaysay usab sa nakasaksi sa maong hitabo nga si Agustin Caubat, nagsunod matud pa kaniya ang biktimang sakay sa iyang motorsiklo og dihang mihunong na siya tungod sa ilang balay, nabantayan niyang gisundan ang biktima og duha ka lalaking sakay sa kolor blue nga motorsiklo dayong tira sa biktima.
Dihang natumba na kini, lain pang duha ka mga lalaking sakay usab sa laing motorsiklo ang mitiwas pagpusil sa biktima adiser nanibat.
