BUTUAN CITY – Hilabihan ang gibating kabalaka sa pamilya ug kaparentihan sa usa ka amahan nga gidagit sa wala pa mailang mga suspetsado ning mi-aging alas-4:00 sa hapon sa hilit nga dapit sa Road 18, Barangay Bayugan 3, lungsod sa Rosario, Agusan Del Sur.
Personal nga midalikyat sa Bombo Radyo Butuan ang 14-anyos nga si alyas Inday og gisaysay ang pagdagit sa iyang amahan nga si Arnel Montecillo, 43-anyos.
Sumala pa niini, sakay sila sa single motor og pauli na unta sa ilang pinuy-anan human gisundo sa tunghaan apan pag-abot sa nahitabo-an, gi-atangan sila sa 2 ka single motor nga dunay tag-usa ka angkas og armado sa pistola.
Giti-unan gilayon sila og pistol og gipakanaog sa motor samtang gipusasan ang iyang amahan dayong kuha sa duha ka cell phones og gisakay sa Strada nga nagsunod kanila.
Wala na makuha pa sa bata ang plaka sa maong sakyanan tungod sa karatol apan nadunggan niyang dalhon matud pa sa munisipyo ang iyang amahan kinsa wala didto dihang gidalikyatan nila uban sa ilang mga kabanay.
