BUTUAN CITY- Nagpatabang na sa Bombo Radyo Butuan ang usa ka investor nga mabalik ang iyang gibubong kwarta usa ka Money Changing Center.
Sa pakighinabi ning sibyahan sa wala na nagpailang reklamante, gisaysay niini nga nagbubo siya og muabot sa usa ka milyon ka pesos sa Mer’s Business Center nga nahimutang sa Purok-4, JC. Aquino Avenue Barangay Tandang Sora ning syudad sa Butuan nga gipanag-iyahan sa usa ka Reynaldo Abing Camingawan nga naka-base sa Gensan.
Saysay niini na-aghat siya sa iyang higala nga mubobo og dakong kantidad sa kwarta sa maong Money Changing Center human nagpasalig nga adunay 30 porsyonto nga mabalik sa gi-invest matag buwan sulod sa usa ka tuig ingon man usab matod pa sa kawalay trabaho niadtong tungura.
Nasayran nga aduna pay laing sattelite office ang Mer’s Business Center sa ubang dapit sa Caraga ug sa kasikbit nga rehiyon.
Pag-angkon sa reklamante nga una kining nagbubo niadtong Marso og 380,000 thousand pesos sa unang opisina niini sa rehiyon nga nahimutang sa Bayugan City.
Nakadawat pa matod sila sa gisaad nga porsyento sa unang upat ka buwan hinungdan nga na-agni pa kini nga magbubo pa og dugang 350,000 thousand pesos.
Apan pag-abot matod pa sa buwan sa Agosto dinhi na nag-sugod nga malangan ang ilang monthly pay-out ug daghan na matod pa rason ug gipasaligan lang nga dili mabalaka tungod kay mabalik lang ang gibubong kwarta.
Ang nakapait niini taliwala nga wala nay nadawat nga pay-out, ug tingi-tingi pa ang nadawat nga pay-out sa nakalabay nga buwan, nag-bubo pa usab kini og dugang 260,000 thousand pesos human nadani dihang naghanyag og promo ang maong Money Changing Center kansa 35 porysento matod pa ang mabalik.
Nasayran nga ang Mer’s Business Center adunay mga tukmang dokumento gikan sa hingtundan sama sa Barangays Ceritificate hantod na sa Mayor’s Permit kansa nakarehistro nga usa ka Money Changing Center ug dili magdawat og mga kwarta sukwahi sa ilahang business activity.
Dugang pa sa reklamate dili lamang siya ang adunay susamang sitwasyon sa karon sanglit daghan silang nabiktima niini dinhi sa syudad ug sa kasikbit nga lugar.
Karong adlawa aduna matod pay mahitabo nga pay-out ug nagluam ang mga reklamante nga madayon kini taliwa nga ang maong business center nagsirado na.
Samtang,gikumpirma ni Atty. Moshie Cahoy sa Business and Licence Permit Division sa Butuan nga kompleto sa mga dokumento ang Mer’s Business Center rasong naka-operate dinhi sa dakbayan.
Sumala niini nagpasa ang maong business center og dokumento nga mag-terminate o magsirado ang establishemento ingon man nagpasa usab og application alang sa paka-korporasyon.
Gitambagan ni Atty. Cahoy ang mga reklamante bahin sa maong gika-ingong gibubo nilang kwarta nga gidagit sa maong business center nga magpasa og written complain aron adunay tukmang dokumento nga magsuporta sa ilang mga reklamo.
Gipasabot sa abogado nga dili sila basta-basta muhimo og lakang batok sa Mer’s Business Center sanglit lehitimong rehistrado kini isip money changing center labi pa kung walay pormal nga reklamo.
Bahin usab sa gikaingong sukwahi nga aktibidad sa Mer’s Business center nga nangdawat og kwarta inay money changing, ila matod pang ipatawag ang mga nagdumala niini ug himuon ang due process.
Bisan paman, magkinahanglan pa usab kini sa mga reklamo sa mga nabiktima aron kini muaginod.
Hinungdan gisubli niining magpasa og formal complain ang mga reklmante aron mahimo ang tukmang lakang ug imbestigasyon sa ilang kabahinan.
Gihatagan usab og duot sa abogado nga kung unsa ang gi-deklara sa business permit sa usa ka negosyo dapat nahisubay gayod sa ilang business activity.
Gitambagan niini ang publiko nga adiser mag-buhi og kwarta sa mga negosyo o sa bisan unsa mga mga investment, susihon una kung nagsubay ang aktibidad sa ilang gikuhang permit sa ingon mga malikayan na ang susamang panghitabo.
