BUTUAN CITY – Laing garbo na usab sa Butuan City ang mikolekta og medalya sa nagpadayong 31st South East Asian Games sa Vietnam. Kini mao si Breanna Labadan nga nakakuha og Bronze Medal sa rhythmic gymnastics individual all-around.
Tungod niini nga kalampusan ni Labadan lauman madawat niini ang cash incentives nga 50-mil pesos gikan sa lokal nga panggamhanan sa Butuan City subay sa SP Ordinance no. 6169-2020 nga gipanday ug gipangamahanan ni City Councilor Cromwell P. Nortega. Si Breanna Labadan residente sa Villanueva Extension Barangay Tandang Sora ning syudad sa Butuan.
Nasayran nga ang paghatag og suporta o cash incentives sa mga atletang Butuanon paagi sa lokal panggamhanan sa Butuan aron makapa-engganyo ug makahatag og inspirasyon sa ubang kabataan nga mas magfocus sa lain-laing sports aron mahilayo sa unsa mang dautang bisyo.
