BUTUAN CITY – Natilawan sa Los Angeles Clippers ang 3-point loss sa kamot sa Los Angeles Lakers kagabii sa score nga 125-122 kondiin dikit ang away sa duha ka Los Angeles teams, ilabina nga pareho silang mitala og kapin sa 50% nga field goal percentage.
Unang nakaposte ang Lakers og single-digit lead sa first quarter, apan napapas kini sa Clippers hangtud nga nagbayluay sila og labaw sa mga puntos nga mi-abot sa 16 points ang pinakamataas nga lead sa Lakers, samtang 5-puntos usab ang sa Clippers.
Sa fourth quarter, mas kulba-hinam ang ginukdanay kondiin mi-abot sa 123-120 ang score, usa ka minuto adiser matapos ang dula kondiin napasulod ni Lakers guard Luka Doncic ang duha ka free throws, 21 segundo adiser matapos ang dula rason nga mi-abot ang score sa 125-120.
Bisan og nakapuntos pa og duha ka free throws ang Clippers, natapos ang regulation sa 125-122, pabor sa Lakers.
Mikamada si Doncic og 38 points, 11 assists, ug 3 steals sa kada-ugan sa Lakers samtang nalimitahan si LeBron James sa 13 points ug 11 assists.
Subling gi-alsa ni Kawhi Leonard ang Clippers sa iyang 31 points, apan kuwang pa kini aron makuha ang kada-ugan.
