BUTUAN CITY – Gidakop sa Criminal Investigation and Detection Group (CIDG)-Laguna ang barangay chairman ug ang iyang umagad sa Barangay Caliraya, lungsod sa Lumban, Laguna human sila gika-ingong namaligya og peke nga titulo sa yuta niadtong Huwebes atol sa gihimong entrapment operation sa Criminal Investigation and Detection Group kon CIDG-Laguna.
Ang suspetsadong nailang si alyas Barangay Chairman “Silvino” ug ang iyang umagad nga si alyas “Albert,” nagbaligya matud pa og 300- metro kwadrado nga yuta ngadto sa usa ka babaye nga duna’y peke ang titulo kansa nadiskubrehan sa babaye human niya kini gipaberipika sa municipal ug provincial assessor’s office kondiin didto nasuta nga aduna diay kini lehitimong tag-iya .
Gika-ingong nangayo og pasi-unang bayad nga ₱500,000.00 ang mga suspetsado nga ihatag mismo sa barangay hall hinungdan nga misumbong ang biktima sa kapulisan nga dayon gihimo og entrapment operation.
Gidakop ang mga suspetsado ang duha human gidawat ang marked money nga narekober ra usab sa kapulisan apil na ang usa ka walay dokumento nga 9mm pistol, usa ka caliber .40, ug mga bala rason nga gikustodiya sila sa CIDG -Laguna.
