BUTUAN CITY – Gitubag sa Malakanyang ang banat ni suspended Cavite Representative Kiko Barzaga batok kang Pangulong Ferdinand Marcos Jr nga nalambigit matud pa sa mga anomalya ug korapsyon.
Kini human gisuspende sa Kamara si Barzaga tungod matud pa sa disorderly behavior niini mugna sa iyang mga posts sa social media batuk sa lapad nga kurapsyon nga mipunting sa administrasyong Marcos.
Gipagawas ni Barzaga nga si Pangulong Marcos matud pa ang nagpaluyo sa suspension niya sa Kamara tungod sa pagbatikos niya niini.
Sumala ni Palace Press officer USec. Claire Castro, wala’y kamatuoran ang mga alegasyon ni Barzaga sa presidente ug gigamit lang matud pa niini ang pangulo aron ma-justify ang gihimo niining disinformation.
Gibutyag usab ni Castro, nga girespito sa Malakanyang ang desisyon sa House of Representatives batuk kang Barzaga.
