BUTUAN CITY – Naarestona sa kapulisan ang 23-anyos nga lalaking mipatay sa iyang mga ginikanan ug manghod nga lalaki gamit ang sledgehammer kon maso sulod sulod sa ilang balay sa Barangay Managok, Malaybalay City, Bukidnon, niadtong Mayo 21 ning tuiga.
Sigon ni Col. Jovit Culaway, ang provincial police director sa Bukidnon, ila nang gidetine si John Kyler Labora Andojon, kinsa mi-angkong siya ang mihimo sa brutal nga pagpatay sa iyang 50-anyos nga amahan, 48-anyos nga inahan ug iyang 14-anyos nga manghod nga lalaki.
Sigon ni Col Culaway, na-corner sa mga pulis ug mga community leaders si Andojon kagahapon, Biernes, sa Purok 4, Barangay 1, Malaybalay City, human nakakuha og tip kalabot sa ilyang presensya gikan sa mga residenteng nasayod sa maong kremin.
Sigon sa mga kabanay ug nga silingan sa mga Andojons sa Barangay Managok, posibleng duna’y depresyon niadtong higayuna ang suspetsado dihang wala maka-graduate uban sa iyang mga batchmates sa kursong criminology course sa usa ka kolehiyo sa Bukidnon tungod sa mga academic issues.
Una na kining gikasuhan og duha ka ihap sa parricide ug usa ka ihap sa kasong murder tungod sa pagpatay sa iyang pamilya nga naka-trigger og kapungot sa mga komunidad sa Malaybalay City kansa nag-viral pa sa Facebook.
