BUTUAN CITY – Balik-klase na ang tanang estudyante sa tibook lalawigan sa Agusan del Norte karong adlawa human sa suspension nga gideklara tungod sa bangyong Samuel.
Tungod sa pagbalik na sa nindot sa dagan sa panahon, nagmandu na ang Provincial Disaster Risk Reduction Management Council kon PDRRMC sa pagtangtang na sa suspensiyon sa klase og pagbalik na sa mga na-andang kalihukan sa mga eskwelahan pinaagi sa EO number 21 ug 22 nga gipagawas kagahapon sa hapon.
Samtang sa dakbayan sa Butuan, gikumpirma mismo ni May Diez, tigpamaba sa Butuan City Government sa pakighinabi ning sibyahan nga gipirmahan na ni Mayor Ronnie Vicente Lagnada, kansa maoy chairperson sa CDRRMC, ang pagtangtang sa suspensyon sa klase naing siyudad.
Apan giklaro sa opisyal nga padayon gihapon ang monitoring sa Council sa dagan sa panahon bisan ug sa sidlakang bahin sa Visayas na mikuso-kuso si Bagyong Samuel.
Susamang rekomendasyon usab ang gipagawas sa lokal nga kagamhanan sa lalawigan sa Surigao del Norte apil na sa Surigao City kondiin balik-eskwela na karong adlawa ang tanang ang-ang sa klase sa tanang school leves diha sa pribado og pampublikong tunghaan. (Rolan Janea)
