BUTUAN CITY – Gi-awhag sa Office of the Civil Defense kon OCD-Caraga ang tanang katawhang nanimuyo sa mga lugar nga ubos sa storm signal number 1 tungod sa pagkuso-kuso sa bagyong Samuel nga kinahanglang alerto kanunay og mag-monitor sa lakat sa panahon.
Kini aron masayod sila sa angayang buhaton ilabina kung duna’y ipagawas nga advisory ang ilang mga local officials nga gitumong aron masegurong wala’y ma-angol o kaha makalas sa paghapak na sa bagyo.
Sigon ni Aizy Lyn Paglinawan – information officer II sa OCD-Caraga, sa pagkakaron, otomatikong ang mga preschools lang sa mga lugar nga anaa sa signal number 1 maoy wala’y klase samtang mag-agad na sa mga local chief executives ang pagsuspende usab sa klase sa higher levels depende sa ilang assessment sa mga apektadong lugar.
Samtang gisuspende na usab sa Philippine Coast Guard kon PCG-Surigao ang tanang biyahe sa kadagatan gikan sa maong siyudad ngadto na sa Siargao Island, probinsya sa Dinagat Islands og mga island barangays.
Suspendido na usab ang klase gikan sa preschool ngadto na sa elementary sa mga lalawigan sa Surigao del Norte, Surigao del Sur. Agusan del Norte apil na ang Butuan City og ang Dinagat Island province.
Gimanduan na usab ang mga local DRRMCs pagpatuman og mga precautionary measures ilabina sa mga lugar nga prone sa mga pagbaha og mga landslides apil na kadtong mga komunidad nga nasulod sa mga mining og quarry perimeters. (Beth Ruiz)
