BUTUAN CITY – Tungod sa kusog nga pagbundak sa ulan og pagbaha na sa pipila ka mga barangay ning siyudad, gisuspende na sa lokal na kagamhanan ang klase gikan sa pre-school hangtud sa high school kaganinang hapon.
Gikumpirma kini ni Paolo Gogo – information officer sa Butuan City government, dungan sa pagbutyag nga tumong niini nga makapangandam ang tanan aron maseguro ang kaluwasan higayong mugrabe pa ang pagbaha.
Magpabilin matud pang suspendido ang klase hangtud nga wala pa’y ipagawas nga kabag-uhan kalabot niini ang lokal nga kagamhanan.
Gidugang sa opisyal nga higayong magpabilin ang wala’y hunong nga pag-ulan, lakip na unya sa isuspenso ugmang adlawa ang klase sa kolehiyo aron dili na mabalda ang preparasyon sa mga Butuanon. (Beth Ruiz)
