BUTUAN CITY- Ning usbaw ang kinatibuk-ang kita sa Philippine Amusement and Gaming Corp. kon PAGCOR karong tuiga kon itandi sa kita niini niadtung wala pa ang pandemic.
Sumala sa datus sa Bureau of the Treasury nga naka contribute matud pa ang maong ahensya sa ekonomiya sa Pilipinas sukad niadtung Enero ngadto sa Pebrero og P7.02 billion, 28% kining mas taas kon itandi sa P5.46 billion nga kita nila sa susamang panahon sa naka labayng tuig.
Kini pa usab ang pinaka unang higayon nga ning usbaw ngadto na sa P6.46 billion ang kita sa maong ahensya sulod sa upat ka tuig, o sugod niadtung tuig 2020.
Kahinumduaman usab nga naglisod ang maong ahensya ning naka labayng mga tuig human nga walay customer sa mga casino ilabi na sa mga amusement gamings sa nasod tungod sa pandemya.
