BUTUAN CITY – Gibasura sa Regional Trial Court RTC Branch 34, Cabadbaran City, Agusan del Norte ang mga kasong illegal possession of explosive ug ilegal nga druga batuk kang Jabonga, Agusan del Norte kanhi Vice Mayor Glecerio Monton.
Kini human nga gisalindot sa korte ang akusasyon human usab nga napamtud-ang planted ang mga ebidensyang gibato kaniya base na usab sa kuha sa CCTV footage sa ilang pinuy-anan.
Madumdumang niadtong November 28, 2018, nakuha gikan sa iyang pinuy-anan sa gilusad nga anti-illegal drug operation ang 12 ka sachets sa suspected shabu nga mitimbang og 60-gramos ug gibana-banang mikantidad og P708,000 ug usa ka hand grenade.
Ang gipalagan sa grupo sa opisyal tungod kay gilusad ang operasyon nga wala’y dalang search warrant ang raiding team nga gikan sa Agusan del Norte Provincial Police Office ug sa Jabonga Municipal Police Station.
