BUTUAN CITY – Gikumperma sa Department of Health kon DOH nga ning ubos matud pa ang kaso sa Pertusis ingon man Measles-rebulla sa Pilipinas.
Sumala sa maong ahensya nga natala lamang nila ang 187 ka kaso sa Pertussis sukad niadtung Mayo 12 hangtud 25, 30% ang gikunhod kung itandi sa ilang natala nga 301 ka mga kaso niadtung Abril 28 ngadto sa Mayo 11.
Samtang, 37% usab ang gikunhod sa measles-rebulla, diin natala sa ahensya sa panglawas ang 178 nga kaso niadtung Mayo 12 ngato sa 25, mas ubos kon itandi sa 283 niadtung Abril 28 ngadto sa Mayo 11. Samtang, sa Bangsamoro Autonomous Region in Muslim Mindanao (BARMM) usab, gimonitor sa Department of Health kon DOH ang 36 ka mga kaso sa measles-rubella gikan sa Mayo 12 hangtod 25, ug nasuta nga anaa sa 58 porsyento nga pagkunhod niini gikan sa 86 nga mga kaso nga gitaho gikan sa Abril 28 hangtod Mayo 11.
Sumala sa Department of Health kon DOH nga nakita sa ilahang ahensya ang dakong pagtaas sa mga kaso sa tibuok nasud niadtong Mayo 9, 2024 kumpara sa 2023.
