BUTUAN CITY- Nakatala ang Department of Health (DOH) og kapin sa 7,400 ka dengue cases sa Enero 2026, kansa nagpakita og 71% nga pagkunhod kumpara sa kapin 25,000 nga kaso sa samang panahon niadtong 2025.
Base sa datos, adunay 7,471 ka kaso gikan sa Enero 4 hangtod 24, samtang 25,652 ang narehistro sa miaging tuig.
Sumala ni DOH Health Promotions Bureau Director Tina Marasigan, ang taas nga kaso sa dengue niadtong 2025 maoy hinungdan sa paglusad sa Alas Kwatro Kontra Mosquito program niadtong Pebrero 24, 2025, diin gipakusgan ang kampanya sa pagpanglimpyo ug pagpanghipos sa mga tubig nga nagbarug aron malikayan ang pagkaylap sa lamok.
Nagpahimangno usab ang DOH nga kinahanglan og regular nga pagpanglimpyo sa mga balay, hilabi na ang mga paso, kanal, ug stagnant water nga mahimong breeding ground sa mga lamok.
Sigon ni Health Secretary Teodoro Herbosa, nga ang dengue dili lang limitado sa panahon sa bagyo, apan tibuok tuig kini nga risgo, ug kasagaran nga ma-apektohan mao ang kabatan-onan.
