-- ADVERTISEMENT --
BUTUAN CITY – Nakasulod na sa finals sa horizontal bar ang batan-ong gymnast nga si Karl Eldrew Yulo sa gihimong FIG Artistic Gymnastics World Cup sa Croatia.
Nakuha ni Yulo ang puwesto human siya nakaiskor og 13.733 puntos, nga nagbutang kaniya sa ika-pitong pwesto sa qualification round sa maong apparatus niadtong Biyernes.
Ikaduha na kini nga higayon nga nakaabot siya sa finals sa Croatia leg, human usab siya makasulod sa floor exercise finals.
Nakatakdang ipahigayon ang floor exercise finals karong Sabado, samtang ang horizontal bar finals ipahigayon sa Domingo.
Padayon nga misaka ang performance ni Yulo sa international stage, nga naghatag og dungog sa Pilipinas sa natad sa gymnastics.
-- ADVERTISEMENT --
