BUTUAN CITY – Nagpasidaan si Francis Boking-go, research specialist sa Bangko Sentral ng Pilipinas kon BSP-Butuan nga hangtud karung Marso 31 ning tuig nalang pwede pabayloan ang mga karaang kwartang papel.
Sigon ni Boking-go sa pakighinabi ning sibyahan, giklaro niini nga niadto pa untanang Disyembre 31, 2016 ang maong deadline apan gilugwayan kini hangtud sa Marso 31, 2017 pinaagi sa circular number nga gipagawas sa sentral office.
Kini human nasuta nga daghan pay wala makapabaylo sa ilang mga karaang kwarta nga dunay karaang disensyu sama nalang sa 500 peso bill diin ang nanampiling pang si Benigno Noynoy Aquino ang hulagway niini.
Gipaklaro pa niini nga niadtu pang 2015 magamit ang karaang kwarta, apan pwede pa kining pabayloan sa bisan asang bangko sa nasud.
Tumong matud pa sa pag-ilis sa disenyu sa kwarta, mao ang pag-guba sa operasyon sa mga mepeke niini. Mas gipalig-on matud pa karun ang mga disenyu aron dili na daling masundog pa.
Apan wala pay kabag-ohang gihimu sa mga sensilyo. Samtang gitin-aw usab ni Boking-go nga dunay 3 lang ka butang nga angayang bantayan sa kwarta nga pa-alisdan sa bangko.
Kini mao ang pirma, kadak-on sa kwarta ug secutiry thread, hinungdang walay angayang ikabalaka, bisan pa ug dunay ginagmay nga gisi na ang kwarta.
