BUTUAN CITY – Gibana-banang mukabat sa 455,600-pisos nga kandidad sa 67-gramos sa suspected shabu ang nakumpiska sa pagpatuman sa search warrant pasado alas-.11:25 kagabii batuk sa mga-livein partner nga sila Christine Joy Mitchao alias Joy, usa ka high value individual ug alyas Kulot sa may Purok 4, Bougainvilla St., Brgy. Villa Kananga, ning siyudad sa Butuan.
Sa padayong pakisusi sa mga otoridad, naila ang mga naaresto nga sila Christie Joy Naga Mitchao alias Joy, 46 -anyos, overseas Filipino worker, ug ka-ipon niining si Anthony Madrid Apostol alias Kulot, 44-anyos, minyo, parehong nag-abang sa usa ka inn sa maong dapit.
Nakumpiska gikan sa ilang posisyon ang 22 ka mga selyadong transparent plastic sachets csa gidudahang shabu, laing 3 ka plastic sachets nga duna’y lama sa susamang epektos ug mga drug paraphernalia apil na ang ilang tulo ka mga smart phones ug usa ka laptop.
Nasayrang naaresto na kaniadto ang mga dinakpan ug karon anaana sila sa kostudiya sa City Drug Enforcement Unit sa Butuan City Police Station 1 alang sa tukmang disposasyon.
