BUTUAN CITY- Ming-abot na sa kapin 6,000 ka pamilya ang naapektuhan sa Bagyong Luis sa Bicol Region, Zamboanga Peninsula, ug Bangsamoro Autonomous Region, sumala sa taho sa National Disaster Risk Reduction and Management Council.
Pito ka lugar sa Zamboanga Peninsula ug BARMM ang nagpabiling nalubong sa baha samtang suspendido ang biyahe sa siyam ka pantalan sa Calabarzon ug Bicol ngamingresulta sa pagka-stranded sa dul-an 500 ka pasahero.
Sigon sa Department of Social Welfare and Development, kapin P280,000 nga tabang ang na-apod-apod sa mga apektadong residente sa Bicol Region.
Samtang gideklara sa Provincial Government sa Camarines Sur ang Red Alert niadtong Agosto 1 isip tubag sa hulga sa bagyo.
Padayon nga gi-isa ang mga pahimangno sa amihanang Luzon kung asa gilaoman ang kusog nga uwan ug hangin.
Gipahimangnuan usab ang mga residente nga mahimong andam sa posibleng pagbaha ug pagkahugno sa yuta samtang gimonitor sa mga ahensya sa gobyerno ang sitwasyon sa mga lugar nga grabeng na-igo sa Bagyong Luis.
