BUTUAN CITY – Ning saka na sa kapin 2-mil ka mga tawo ang gituohang nalubong nga buhi sa landslide nga nahitabo sa Kaokalam village, Enga Province, Papua New Guinea ning nakalabayng semana. Kini ang gikumperma sa National Disaster Centre sa nasangpit nga nasod.
Sumala sa mga otoridad nga naglisod sila pagkalot sa mga natabunan tugnod kay 10 metros man ang gilubngan sa mga niini, dugangan pa kini sa kalisod sa dalan paingon sa nasangpit nga bario.
Gikahadlokan usab sa mga rescuers ang inanay nga pagdahili sa nahabiling habog nga yuta ug mga bato sa Mount Mungalo tungod kay mamahimo pa man kining modahili ug motabon na usab sa nasangpit nga lugar.
Nangayo na karon og tabang ang pangamhanan sa Papua New Guinea sa mga International Organizations alang sa hinanalign pagrescue sa mga biktima.
Sumala sa taho nga duna matud pay kapin sa 4-mil ka mga tawo ang namuyo sa maong dapit. Halos katunga usab sa mga niini ang nalubong human wala sila makabantay sa nahitabong landslide tungod kay natigayon man kini sa alas 3 ang takna sa kadlawon.
Kahibaloan nga nahimutang ang Kaokalam village kilid lang sa Mount Mungalo, rason nga target kini sa pagdahili sa mga huyang nga yuta sa maong bukid.
