BUTUAN CITY – Dili mu-ubos sa 100 ka mga sundalong North Koreans ang patay sa pakiggiyera nila batuk sa Ukraine isip suporta sa Russia sugod sa sayong bahin ning bulana.
Sigon ni South Korean parliament member Lee Sung-kwon, kini gawas pa sa laing 1,000 nga na-angol kondiin apil sa mga casualties ang mga high-ranking officials. Kini tungod na usab kay dili sila suhito sa terrain ug wala usa’y alamag sa drone warfare.
Ang unang report kalabot sa mga casualties sa North Korea migawas sa sayong bahin ning semanaha ug nasuta nga niadtong Oktubre, nagpadala ang North og 10,000 ka mga sundalo aron mutabang sa pakigyera sa Russia sa Ukraine.
Una nang gipadayag sa US Pentagon spokesman nga duna na’y namatay nga mga North Koreans apan wala muhatag o ihap ug pagkasunod adlaw, usa ka US official ang nagbutyag nga gatusan ang nangamatay ug nanga-angol sa maong mga sundalo.
Nasuta pa nga ang mga North Korean troops, wala’y bisan unsa nga combat experience, ug nagbansay pa og pila ka semaan, pag-abot nila sa Russia ug gibala na dayon sa support roles.
